Trampın seçilməsindən sonra dünyadan ilk reaksiyalar

Respublikaçılar Partiyasının namizədi Donald Tramp ABŞ-də seçki yarışında qalib gəldiyini elan edib.

Oxu24.com xəbər verir ki, Trampın qələbəsinə dünyadan reaksiyalar gecikməyib.

İsrail: 

İsrailin baş naziri Benyamin Netanyahu Donald Trampı “tarixdə ən böyük qayıdış” etdiyinə görə təbrik edib. Netanyahu, Trampın qayıdışını Birləşmiş Ştatlara “yeni başlanğıc və İsraillə müttəfiqliyə güclü sadiqlik” təmin edəcəyini ümid etdiyini bildirib.

Ukrayna:

Trampı seçkilərdə qələbəsi münasibətilə təbrik edənlər arasında Ukrayna prezidenti Vladimir Zelenski də var. Zelenski açıqlamasında, Trampın “güc vasitəsilə sülh” yanaşmasına sadiqliyini “ədalətli sülhə” yaxınlaşdıra biləcəyini vurğulayıb.

İtaliya:

İtaliyanın baş naziri Meloni də Trampı prezidentlik yarışında qələbəsi münasibətilə təbrik edib. Meloni, "Trampı ən səmimi təbriklərimizi bildiririk. Bizim ABŞ ilə strateji bağımız var və indi əminəm ki, onu daha da gücləndirəcəyik",- deyə bildirib.

Fransa:

Fransa prezidenti Emmanuel Makron da Trampın qələbəsini təbrik edib. Fransa lideri , “keçmişdə olduğu kimi Trampla yenidən işləməyə hazırıq”, - deyə bildirib.

İngiltərə: 

İngiltərə baş naziri Key Starmerin ABŞ seçkiləri ilə bağlı açıqlaması gecikməyib. Starmer “Seçkilərdəki tarixi qələbəniz münasibətilə seçilmiş prezident Trampı təbrik edirəm. Növbəti illərdə sizinlə işləməyi səbirsizliklə gözləyirəm. "Ən yaxın müttəfiqlər olaraq, azadlıq, demokratiya və sahibkarlıq kimi ümumi dəyərlərimizi müdafiə etmək üçün çiyin-çiyinə dayanırıq.",- deyə bildirib.

NATO: 

NATO lideri Mark Rutte prezident seçkilərində qalib gəlməsindən sonra Trampı təbrik edib. Rutte təbrik bəyanatında: “Mən indicə Donald Trampı ABŞ prezidenti seçilməsi münasibətilə təbrik etdim. Onun rəhbərliyi Alyansımızın möhkəm olmasında yenə də əsas rol oynayacaq. “Mən onunla NATO vasitəsilə yenidən işləməyi səbirsizliklə gözləyirəm”,- qeyd edib.

Macarıstan: 

Macarıstanın baş naziri Viktor Orban nəticələr dəqiqləşmədən qələbəsini elan edib. Orban Facebook-dakı paylaşımında keçmiş prezident Trampın Ağ Evə namizədliyini açıq şəkildə dəstəkləyib və “Gözəl qələbəyə doğru gedirik” deyib.

EL-Salvador: 
El Salvador prezidenti Nayib Bukele də Trampı təbrik edib. O, “X”də etdiyi paylaşımda "Amerika Birləşmiş Ştatlarının seçilmiş prezidenti Trampı təbrik edirəm. Allah sizi qorusun və doğru yola çatdırsın”,- deyə bildirib.

Avstriya:
Avstriya kansleri Karl Nehammer də Trampı təbrik edib. "Birləşmiş Ştatlar Avstriya üçün mühüm strateji tərəfdaşdır. Qlobal çağırışları birlikdə uğurla həll etmək üçün transatlantik əlaqələrimizi daha da genişləndirməyi və gücləndirməyi səbirsizliklə gözləyirik”, - deyə qeyd edib.