Məşhur aktyor, kinorejissor Riçard Gir Konnektikut ştatının Nyu-Canaan şəhərindəki evini 10,75 milyon dollara sataraq İspaniyaya köçdüyünü açıqlayıb.

Oxu24.com  xəbər verir ki,  amerikalı aktyor bu barədə məlumatı sosial şəbəkədə yayıb. 

1938-ci ildə tikilmiş evdə 11 vanna otağı, üç otaqlı qonaq kotteci, üzgüçülük hovuzu və yamyaşıl ağacların arasında yerləşən 32 hektar əraziyə səpələnmiş bir neçə bağ var. Hələ aprel ayında aktyor qohumları ilə daha çox vaxt keçirə bilməsi üçün ABŞ-ni  tərk etmək və həyat yoldaşı Alejandra ilə birlikdə İspaniyaya köçmək arzusunu açıq elan etmişdi. 41 yaşlı Alejandra La Korunyadandır.

Cütlük iki övladını - beş yaşlı Aleksandrı və dördü Ceymsi də özləri ilə xaricə aparmağı planlaşdırır.