Putin onunla görüşdü - VİDEO

Rusiya prezidenti Vladimir Putin Kremldə Şimali Koreyanın xarici işlər naziri Çoi Sonq Hui ilə görüşüb.

Oxu24.com xəbər verir   ki, bu barədə Rusiya dövlət başçısının rəsmi saytı məlumat yayıb.

Rusiya tərəfdən görüşdə xarici işlər naziri Sergey Lavrov və prezidentin köməkçisi Yuri Uşakov iştirak ediblər. Rusiya prezidentinin mətbuat katibi Dmitri Peskov səfərin işgüzar xarakter daşıdığını qeyd edib.

"KXDR Xarici İşlər Nazirliyinin rəhbəri görüşə görə Putinə təşəkkür edib və Kim Çen Inın səmimi salamlarını çatdırıb", - Kremlin saytında deyilir.

Noyabrın 3-də Rusiya Xarici İşlər Nazirliyinin Qəbul Evində Rusiya və KXDR xarici işlər nazirləri Sergey Lavrov və Çoi Sonq Hui arasında danışıqların yekunlaşdığı bildirilib. Görüş üç saatdan çox davam edib.

Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, noyabrın 1-də Lavrov KXDR-dən olan həmkarı ilə Yaroslavl vağzalında görüşüb. Görüş Kim İr Senin 1949-cu ildə SSRİ-yə səfərini xatırladan xatirə lövhəsinin açılışının keçirildiyi yerdə başlayıb.

Rusiya Xarici İşlər Nazirliyi qeyd edib ki, imzalanmış strateji tərəfdaşlıq sazişinə uyğun olaraq, Rusiya və KXDR mütəmadi olaraq ikitərəfli münasibətlər və beynəlxalq siyasət məsələləri üzrə məsləhətləşmələr aparacaqlar.

Bundan əvvəl Rusiya və KXDR tərəfdaşlıq sazişinin həyata keçirilməsinə sadiq olduqlarını təsdiqləyiblər.

 

Nigar