Səfir iki İran peykinin orbitə buraxılma tarixini açıqlayıb

İranın Moskvadakı səfiri Kazem Cəlali X sosial şəbəkəsində Rusiyanın “Soyuz” daşıyıcı raketinin noyabrın 5-də iki İran peykini orbitə çıxaracağını bildirib.

Oxu24.com  xəbər  verir  ki, diplomatın bəyanatına görə, İran-Rusiya elmi və texnoloji əməkdaşlığının inkişafının davamı olaraq, Kousar və Hadhad peykləri çərşənbə axşamı Tehran vaxtı ilə saat 2:48-də (Moskva vaxtı ilə 2:18) 500 kilometrlik Yer orbitinə buraxılacaq. .

İranın diplomatik nümayəndəliyinin Telegram kanalında yaydığı mesaja görə, hər iki peyk bilik tutumlu Omid Faza şirkətinin İran gənclər elitasının nümayəndələri tərəfindən layihələndirilib və inşa edilib.

Səfirliyin bəyanatında deyilir: “Ümid edilir ki, bu iki peykin buraxılması ilə İran İslam Respublikasının özəl sektorunun kosmos sahəsinə daxil olması istiqamətində ilk möhkəm və qəti addım atılacaq”.

Oktyabrın əvvəlində İranın Kosmik Agentliyinin rəhbəri Həsən Salari bildirmişdi ki, İran 2025-ci il martın 20-dək öz istehsalı olan üç uzaqdan zondlama peykini orbitə çıxaracaq.

Bundan əvvəl İran “Çamran-1” tədqiqat peykini orbitə çıxarıb.

 

Nigar