Ukrayna və Macarıstan NATO-ya daxil olmaq üçün sənəd hazırlayır

Ukrayna prezidenti Vladimir Zelenski bildirib ki, Kiyev və Budapeşt digər məsələlərlə yanaşı, təhlükəsizlik məsələləri və respublikanın NATO-ya üzvlüyü məsələsinə də toxunacaq ikitərəfli sənəd üzərində işləyir.

 

Oxu24.com xəbər verir  ki, bu barədə  Ukrinform məlumat yayıb.

 

Onun sözlərinə görə, saziş “anlaşılmazlıqları aradan qaldırmağa və ya zamanımızın, keçmişimizin və gələcəyimizin çağırışlarına cavab verməyə” imkan verəcək. Müqavilə Ukraynadakı macar milli azlıqları ilə bağlı problemi bir daha gündəmə gətirməməyə imkan verəcək, deyə o, bildirib. Zelenski bildirib ki, Kiyev sənədə “çox müsbət” yanaşır.

Ukrayna lideri həmçinin qeyd edib ki, təhlükəsizlik məsələləri sazişin tərkib hissəsinə çevriləcək.

“Macarıstandan ən az xahişimiz odur ki, Ukraynanın NATO-ya dəvətinə mane olmasın. Yəni, bizi dəstəkləməyin, səs verməyin, amma bizə mane olmayın”, - deyə Zelenski bildirib.

Oktyabrın 23-də Viktor Orban bildirib ki, Kiyev və Brüssel Ukraynanı NATO-ya dəvət etməklə bütün Avropanı Rusiya ilə müharibəyə sürükləmək istəyir. Orban deyib ki, Ukrayna lideri Vladimir Zelenskinin “qələbə planı” münaqişəni genişləndirmək, Ukraynanı NATO-ya dəvət etmək və döyüşləri Rusiyaya keçirməkdir.

Lukaşenko bir qədər əvvəl Ukraynada sülhün əldə olunmasının nədən asılı olduğunu açıqlamışdı.

 

Nigar