Gürcüstan prokurorluğu parlament seçkilərində saxtakarlıq faktı ilə bağlı araşdırmaya başlayıb və ölkə prezidenti Salome Zurabişvili dindirilməyə çağırılıb.

Oxu24.com xəbər verir  ki, bu barədə Gürcüstanın Rustavi2 televiziya şirkəti departamentin bəyanatına istinadən məlumat yayıb.

İş Mərkəzi Seçki Komissiyasının 30 oktyabr tarixli müraciəti əsasında başlanıb.

Gürcüstan prezidenti oktyabrın 31-də müstəntiqlər qarşısına çıxmalıdır. MSK-nın bəyanatına görə, Zurabişvilinin əlində mümkün saxtakarlığa dair sübutlar olmalıdır.

Eyni zamanda, prokurorluq dövlət başçısının, ayrı-ayrı siyasi partiyaların və müşahidə missiyalarının nümayəndələrinin səsləndirdiyi faktların öyrənilməsi istiqamətində zəruri istintaq və prosessual hərəkətləri həyata keçirəcək.

Oktyabrın 26-da Gürcüstanda parlament seçkiləri keçirildi və ondan sonra hakim “Gürcü arzusu” partiyası 54,3% səslə qalib gəldi. Gürcüstan prezidenti son səsverməni “tam saxtalaşdırma” adlandırıb. Müxalifət partiyaları nəticələri tanımayıb və yenidən səsvermənin keçirilməsini tələb ediblər. Tbilisidə parlament binası yaxınlığında mitinqlər keçirilib.

Bundan əvvəl Zurabişvili Rusiyanın seçkilərə müdaxiləsi ilə bağlı heç bir sübutun olmadığını bildirmişdi.

Miri