Argentinada Villa Gesell şəhərində 10 mərtəbəli yaşayış mehmanxanası çöküb.

Oxu24.com xəbər verir  ki, bu barədə TN telekanalı məlumat yayıb.

Dağıntılar altında 7 nəfərin olduğu qeyd edilir. Xilasedicilər zərərçəkənlərdən bəziləri ilə əlaqə saxlaya biliblər.

Bina yerli vaxtla saat 01:30-da  uçub. İlkin məlumata görə, çökmə zamanı oteldə az sayda turist olub.

“Dubrovnik otelinin yerləşdiyi on mərtəbəli bina... çökdü. Hazırda insanları xilas etmək üçün dağıntıların təmizlənməsi üzrə işlər aparılır”, - Villa Gesell bələdiyyəsindən bildiriblər.

Bundan əvvəl Vladimirdə yüz il əvvəl tikilmiş ev uçub. Hadisə Letne-Perevozinskaya küçəsində baş verib. Hadisə yerindən çəkilmiş kadrlarda nəzərə çarpır ki, 19 saylı evin əsasən fasadı dam örtüyünə yaxın uçub, çat bütün binanın hündürlüyü boyunca uzanıb, bu səbəbdən divarın bir hissəsi batıb.

Nigar