Rusiya prezidentinin mətbuat katibi Dmitri Peskov brifinqdə jurnalistlərə açıqlamasında Rusiyanın Gürcüstanda keçirilən parlament seçkilərinə müdaxilə etmədiyini bildirib və o, həmçinin respublikada dövlət çevrilişinin hazırlanması ilə bağlı yayılan məlumatlara münasibət bildirib.

Oxu24.com xəbər verir  ki, “Biz qarışmırıq, lakin Aİ ölkələri və ABŞ-ın dünənki rəsmi bəyanatlarında Gürcüstanın hazırkı rəhbərliyinə ultimatumlar verməsindən narahatıq”, - deyə  Kremlin sözçüsü bildirib.

Oktyabrın 23-də Gürcüstan parlamentinin spikeri Şalva Papuaşvili jurnalistlərə bildirib ki, ölkədə parlament seçkilərindən sonra dövlət çevrilişi hazırlayan qrup var.

Seçkilər oktyabrın 26-da keçirilib. 12 ildir hakimiyyətdə olan hakim “Gürcü arzusu” partiyası 54,3% səs toplayaraq qalib gəlib.

Gürcüstan prezidenti Salome Zurabişvili parlament seçkilərində total saxtakarlıq olduğunu açıqlayıb. O, respublika vətəndaşlarının “çox qeyri-adi bir şeyin” şahidi olduqlarını bildirib.

TASS xəbər verib ki, Ukrayna guya Gürcüstanda iğtişaşlar təşkil etmək üçün etnik gürcülər arasından yaraqlılar toplayır.

Bundan əvvəl ABŞ Gürcüstanda keçirilən parlament seçkilərində baş verən qanun pozuntularının araşdırılmasına çağırıb.

Miri