Matvienko Pakistan prezidenti ilə görüşüb

Rusiya Federasiya Şurasının sədri Valentina Matvienko Pakistan Prezidenti Asif Əli Zərdari ilə görüşüb.

Oxu24.com xəbər verir  ki, bu barədə Rusiya parlamentinin yuxarı palatasının saytında məlumat verilib.

"Federasiya Şurasının sədri Rusiya Federasiyasının Prezidenti Vladimir Putinin Pakistan Prezidentinə ən xoş arzularını çatdırıb", - məlumatda deyilir.

Matvienko vurğulayıb ki, son illər ölkələr əməkdaşlığın inkişafı baxımından mühüm irəliləyişlər əldə edib və onun səfəri Rusiya-Pakistan əlaqələri kompleksini tam şəkildə inkişaf etdirmək niyyətinin təsdiqidir.

Pakistan prezidenti də öz növbəsində rus senatorlarına “dialoqun inkişafı üçün göstərdikləri enerjili səylərə” görə təşəkkür edib.

Bundan əvvəl Pakistan Maliyyə Nazirliyinin rəhbəri Məhəmməd Auranqzeb bildirmişdi ki, Pakistan BRİKS-ə qoşulmaqda maraqlıdır.

 

Nigar