İsveçrə prezidenti Viola Amherd İsveçrə istehsalı olan silahların Ukrayna da daxil olmaqla müharibə vəziyyətində olan ölkələrə təkrar ixracına qoyulan qadağanın aradan qaldırılmasının tərəfdarı olduğunu bildirib.

Oxu24.com xəbər verir  ki, Reuters-in məlumatına görə, o, belə bir embarqonun ölkəsinin sənayesinə və təhlükəsizliyinə zərər vurduğunu deyib.

"Şəxsən mən düşünürəm ki, sənayemiz üçün irəliyə doğru bir addım atmalıyıq", deyə  Amherd bildirib.

O vurğulayıb ki, bəzi ölkələr, məsələn, Hollandiya İsveçrədən silah almaqdan imtina edib, çünki onlar sərbəst şəkildə yenidən ixrac edilə bilməz.

Eyni zamanda Amherd vurğulayıb ki, İsveçrə heç vaxt müharibə şəraitində olan bir ölkəyə birbaşa silah tədarük etməyəcək.

2023-cü ilin mayında İsveçrə parlamentinin yuxarı palatası Ukraynaya silahların təkrar ixracına icazə verib. Bununla belə, müvafiq dəyişikliklər Milli Şura tərəfindən dəstəklənməli idi: 75 nəfər lehinə, 98 nəfər isə əleyhinə səs verib.

Nigar