Norveç ABŞ-la 362,9 milyon dollar dəyərində orta mənzilli AIM-120C-8 AMRAAM raketlərinin alınmasına dair saziş imzalayıb.

Oxu24.com xəbər verir  ki, Material Agentliyi (NDMA) məlumat yayıb.

"Daha çox yeni raketlərlə Norveç Silahlı Qüvvələri ölkəni hava hücumlarından daha yaxşı müdafiə edə biləcək", deyə o bildirib.

Müdafiə nazirinin müraciətində həmçinin qeyd olunur ki, raketlər hava hücumundan müdafiə sistemləri üçün nəzərdə tutulub, lakin F-35 qırıcıları tərəfindən də istifadə oluna bilər.

Bundan bir qədər əvvəl Finlandiyanın müdafiə naziri Antti Hakkänen ABŞ-dan F-35 qırıcıları üçün AARGM-ER raketlərinin alınmasına göstəriş verib. Bu barədə ölkənin Müdafiə Nazirliyinin mətbuat xidməti məlumat yayıb.

AGM-88G AARGM-ER (Advanced Anti-Radiation Guided Missile - Extended Range) raketləri F-35 qırıcılarının imkanlarını tamamlayaraq, radiotezlik siqnalları yayan yer və yerüstü hədəfləri sürətlə vurmaq imkanı yaradır.

Bundan əvvəl Yaponiya Müdafiə Nazirliyi uzaq mənzilli raketlərin alınması üçün rekord büdcə tələb etmişdi.

Nigar