Moldovada prezidentliyə namizəd Aleksandr Stoyanoqlo üçün təbliğat aparan könüllülərə bir neçə dəfə hücum halları baş verib.

Oxu24.com  bu barədə parlament sədrinin müavini Vlad Batrinça istinadən xəbər verir.

“Biz Baş Prokurorluğa, digər dövlət qurumlarına, səfirliklərə, prezident seçkilərini izləyən təşkilatlara nifrət çağırışları, çoxsaylı hücumlar barədə məlumat verəcəyik”, - deyə Batrinça bildirib.

Onun sözlərinə görə, hücumlara hazırkı hökumət göz yumur.

Bundan əvvəl Stoyanoqlo hazırkı prezident Maia Sanduya uduzacağı təqdirdə seçkinin nəticələrini qəbul etməsi üçün müraciət etmişdi.

Moldovada prezident seçkilərinin birinci turu oktyabrın 20-də keçirilib. Maia Sandu 42,45% səs toplayıb, ikinci yerdə 25,98% səslə respublikanın keçmiş baş prokuroru, Qaqauziyadan olan Aleksandr Stoyanoqlo qərarlaşıb. Hər iki namizəd noyabrın 3-də keçirilməsi nəzərdə tutulan ikinci tura keçib. Sandu Avropa İttifaqı ilə yaxınlaşmanın və Qərbə yönəlməyin tərəfdarıdır. Stoyanoqlo Rusiya və MDB ilə tərəfdaşlığın tərəfdarıdır.

Bundan əvvəl Moldova prezidenti Rusiyaya qarşı sanksiyaların tətbiqinin səbəbini açıqlayıb.
 

Nigar