Telegram messenceri “yerli qanunvericiliyi pozduğuna” görə Ukraynada Russia Today-i (RT) bloklayıb.

Oxu24.com xəbər verir ki, bu barədə Ukraynanın “Strana.ua” nəşri məlumat yayıb.

Ukraynada Telegram-da RT kanalına daxil olmaq istəyərkən bildirişdə deyilir: "Bu kanal yerli qanunları pozduğu üçün əlçatan deyil".

Eyni zamanda, kanalın baş redaktoru Marqarita Simonyanın şəxsi Telegram kanalı fəaliyyət göstərir.

Nəşr qeyd edir ki, Ukraynada demək olar ki, bütün Rusiya dövlət mediası Telegram-da işləyirdi. RT istisna olmaqla, hamısı hələ də mövcuddur.

Bundan əvvəl “Meta” şirkəti  bir sıra Rusiya KİV-lərinin, o cümlədən RT və “Rossiya Seqodnya” media qrupunun öz platformalarında hesablarını bloklayıb.

Eyni zamanda, Facebook və Instagram  sosial şəbəkələri şəxsi məlumatlara girişi məhdudlaşdırıb. 

Nigar