Rusiyanın Polşadakı səfiri Sergey Andreev RİA Novosti-yə bildirib ki, Polşa hakimiyyəti Rusiyanın Poznandakı Baş Konsulluğunun bağlanması üçün noyabrın 30-u gecə yarısına qədər vaxt verib.

Oxu24.com xəbər verir  ki, diplomat qeyd edib ki, səfirlik artıq Polşa Xarici İşlər Nazirliyindən bağlanma vaxtı ilə bağlı nota alıb.

Bundan əvvəl RMF24 radiostansiyası Poznandakı Baş Konsulluğun binasının Polşa Dövlət Xəzinədarlığının mülkiyyətinə qaytarılacağını bildirmişdi. Qeyd olunur ki, bina 2002-ci il tarixli icarə müqaviləsinin müddəalarına uyğun olaraq Dövlət Xəzinədarlığının mülkiyyətinə qaytarılacaq.

Oktyabrın 24-də Polşa Xarici İşlər Nazirliyinin mətbuat katibi Pavel Vronski Rusiyanın Poznandakı Baş Konsulluğunun 10 əməkdaşının Polşanı tərk etməli olduğunu açıqlayıb. Onun sözlərinə görə, bu əməkdaşlar arasında üç diplomat, beş inzibati və texniki mütəxəssis, həmçinin Polşada akkreditasiya almalı olan, lakin bunu etməyəcək iki əməkdaş da var.

Polşanın qərarına cavab olaraq Rusiya Xarici İşlər Nazirliyinin sözçüsü Mariya Zaxarova bildirib ki, Polşa hakimiyyəti cavab tədbirləri gözləməlidir.

Bundan əvvəl Rusiya Təhlükəsizlik Şurasının sədr müavini Dmitri Medvedev internetdə yayılan “Bobr kurwa!” memindən istifadə edib. və Polşanı problemlə hədələdi.

Nigar