Misir prezidenti Sisi sabah Ankaraya gələcək

Ankara 12 ildən sonra Misirdən prezident səfərinə ev sahibliyi edəcək.

Misir prezidenti Əbdülfəttah əs-Sisi prezident Rəcəb Tayyib Ərdoğanın rəsmi qonağı olaraq ilk dəfə Türkiyəyə gələcək. Ərdoğan həmkarını Beştəpədə rəsmi mərasimlə qarşılayacaq.

Prezidentlər Türkiyə-Misir Yüksək Səviyyəli Strateji Əməkdaşlıq Şurasının iclasına sədrlik edəcəklər.

İki ölkə arasında 10 milyard dollara çatan ticarət həcmində yeni hədəf 15 milyard dollardır. İclasda bu məqsədə çatmaq üçün atılacaq addımlar dəyərləndiriləcək. Enerji, səhiyyə, turizm və müdafiə sənayesi sahələrində uzunmüddətli əməkdaşlıq imkanları müzakirə olunacaq.

Qəzzanın əsas gündəmi
İsrailin Qəzzada həyata keçirdiyi soyqırımı və bölgəyə edilən humanitar yardımlar da səfərin əsas gündəm maddələrindəndir.

Ərdoğan və Sisi ən qısa zamanda atəşkəsin təmin edilməsi üçün atılacaq birgə addımları qiymətləndirəcək. Regional məsələlərdə daimi sabitlik, sülh və əmin-amanlığın bərqərar olması üçün nələrin edilə biləcəyi müzakirə ediləcək.

 

Miri