Rusiyada qadın mənzilində 350 miqrantı qeydiyyata aldı

Sankt-Peterburq sakini 350-dən çox əcnəbinin qeydiyyata alınmasına köməklik etməkdə şübhəli bilinir.

 

Oxu24com bu barədə  RF İstintaq Komitəsinin region üzrə məlumatına istinadən xəbər verir.

Hüquq-mühafizə orqanlarının əməkdaşları qadının fəaliyyətindən Kolomenskaya küçəsində keçirilən reyddən sonra xəbər tutublar. Məlum olub ki, Tacikistandan olan bəzi sakinlər Dunay prospektindəki mənzillərdə qeydiyyatda olublar.

Müstəntiqlərin məlumatına görə, 2021-2024-cü illər arasında mənzil sahibi 350-dən çox əcnəbini qeydiyyata alıb. Eyni zamanda, başqa dövlətlərin vətəndaşları faktiki  bu ünvanda yaşamayıblar.

“Mənzildə miqrantların qeydiyyata alınması üçün zəruri olan sənədlərin çoxsaylı surətləri, habelə dövlət rüsumunun ödənilməsi barədə qəbzlər aşkar edilib”, - idarədən bildiriblər.

Ev sahibinin özü etiraf edib ki, o, insanları pul üçün qeydiyyatdan keçirib. 

Sənədlərə əsasən, həmin mənzildə yaşayan əcnəbilər məsuliyyətə cəlb edilib. Onların ölkədən deportasiyası gözlənilir.

 

Miri