Orbanın hesabatı açıqlanıb

Macarıstanın baş naziri Viktor Orban Kiyev, Moskva, Pekin və Vaşinqtona etdiyi son səfərlər barədə Avropa Şurasına hesabatını dərc edib.

 

Bundan əvvəl Orban məktubu Avropa Şurasının rəhbəri Çarlz Mişelə təqdim edib. Baş nazir izah edib ki, aydınlıq üçün sənədin bütün mətnini dərc etmək qərarına gəlib, çünki ondan çıxarışlar mediada dərc olunub.

Baş nazirin sözlərinə görə, Ukrayna və Rusiya atəşkəs və ya danışıqlar təşəbbüsləri ilə çıxış etməyə can atmır və nizamlanma üçün kənardan müdaxilə lazımdır.

Orban qeyd edib ki, ABŞ prezidentliyinə namizəd Donald Trampın Rusiya ilə Ukrayna arasında hərbi münaqişənin həlli ilə bağlı ağlabatan planları var, lakin seçkilərdən əvvəl ondan sülh təşəbbüsləri gözləmək lazım deyil. Orban yazır: "Hərbi münaqişənin intensivliyi yaxın gələcəkdə köklü şəkildə artacaq".

ABŞ prezidenti Co Bayden, Macarıstanın baş nazirinin fikrincə, Vaşinqtonun hazırkı “müharibə siyasətini” dəyişdirmək iqtidarında deyil.

Orban həmçinin Türkiyənin müharibə tərəfləri arasında mühüm vasitəçi ola biləcəyinə inanır. Baş nazir onu müharibə başlayandan bəri Rusiya və Ukrayna arasında yeganə uğurlu vasitəçi adlandırır.

Macarıstanın baş naziri hesab edir ki, Avropa İttifaqı, ABŞ və Çin Ukrayna ətrafında baş verən hadisələrə təsir edə bilər. Orban əmindir ki, Ukrayna üzrə növbəti sülh sammitinin keçirilməsi Pekinin cəlb edilməsini və Kiyevlə hazırkı yüksək səviyyəli siyasi təmasları saxlamaqla Rusiya ilə birbaşa diplomatik əlaqələrin bərpasını tələb edir.

Çin, Obran qeyd edir ki, əgər onun uğur şansı dəqiqliyə yaxın olarsa, Ukrayna ətrafındakı vəziyyətin həllində daha fəal iştirak edəcək, lakin hələlik belə deyil.

 

Miri