Daha bir ölkə Ukrayna ilə bağlı konfransda iştirakdan imtina edib

Pakistan Ukrayna ilə bağlı İsveçrədə keçirilən konfransda iştirakdan imtina edir.

 

Oxu24.com  xəbər verir ki, bu barədə ölkənin Xarici İşlər Nazirliyinin rəsmi nümayəndəsi Mümtaz Zəhra Bəluç bildirib.

 

O vurğulayıb ki, İsveçrə Pakistanı konfransda iştiraka dəvət edib, lakin Pakistan tərəfi digər öhdəliklərə görə bundan imtina etmək məcburiyyətində qalıb. Eyni zamanda o qeyd edib ki, Pakistan qlobal sülhü təmin etmək üçün səy göstərir.

 

İyunun 13-də britaniyalı ekspert Aleksandr Merkuris Ukrayna lideri Vladimir Zelenskiyə etimadı itirdiyinə görə bir çox ölkələrin İsveçrədə Ukrayna ilə bağlı konfransa məhəl qoymaması barədə fikir bildirib.

 

Bir gün əvvəl Türkiyənin xarici işlər naziri Hakan Fidan Ankarada keçirdiyi mətbuat konfransında Ukrayna ilə bağlı İsveçrə konfransında iştirakını təsdiqləyib.

 

Bundan əvvəl BMT-nin baş katibi Antonio Quterreş Ukrayna ilə bağlı İsveçrədə keçiriləcək “sülh sammitinə” gəlməyəcəyini, çünki bu günlərdə başqa planları olduğunu bildirmişdi.

 

Miri