Tatarıstan səmasında Ukrayna pilotsuz uçuş aparatı (PUA) vurulub.

Bu barədə Rusiya Müdafiə Nazirliyi məlumat yayıb.

Bildirilib ki, dron Moskva vaxtı ilə saat 7.30 radələrində vurulub.

Rosaviasiya Uçuşların təhlükəsizliyini təmin etmək məqsədilə Kazan və Nijnekamsk hava limanlarında müvəqqəti məhdudiyyətlər tətbiq edildiyini açıqlayıb.

"Tatarıstanda bütün xidmətlər yüksək hazırlıq vəziyyətindədir, hər hansı təhlükə yarandığı təqdirdə sxem hazırlanıb", - deyə respublika başçısının mətbuat xidməti məlumat yayıb.