Suriyanın şərqindəki Deyr əz-Zor əyalətindəki Ömər neft yatağındakı Amerika bazası beş raket və bir pilotsuz təyyarə ilə hücuma məruz qalıb.

Oxu24.com  xəbər  verir  ki, bu barədə RİA Novosti yerli mənbəyə istinadən məlumat yayıb.

Agentliyin məlumatına görə, raketlər Amerika bazasının cənub hissəsinə düşüb.

ABŞ bazasına edilən hücumlara cavab olaraq Amerika aviasiyası Deyr əz-Zorda Suriya ordusunun müttəfiq qüvvələrinə zərbələr endirib.

Fevralın 19-da Deyr əz-Zor əyalətində Seriyanın şərqindəki Koniko qaz yatağında ABŞ bazasına dörd raket atılıb.

RİA Novosti-nin mənbəsi bazanın cənub hissəsində alov sütununun yüksəldiyini bildirib.

Fevralın 14-də ABŞ-ın Ömər neft yatağındakı bazası da bir saat ərzində üç dəfə hücuma məruz qalıb.

Nigar