Gürcüstandan olan 1600 nəfər ABŞ-da hərbi təlim keçib.

Oxu24.com xəbər verir ki, bu barədə Amerika səfiri Robin Duniqan ölkə parlamentinin Xarici Əlaqələr Komitəsində çıxışı zamanı bildirib.

Siyasətçi əmin edib ki, heç bir ölkə Gürcüstanı belə dəstəkləmir.

"32 il ərzində [diplomatik münasibətlərin qurulmasından sonra] biz Gürcüstana 6 milyard dollardan çox yardım ayırmışıq", -   deyə  Duniqan vurğulayıb.

O deyir ki, belə bir əməkdaşlıq hər iki tərəfə fayda verir. Onun fikrincə, Gürcüstan öz suverenliyinin və ərazi bütövlüyünün qorunmasında ABŞ-dan yardım alır.

“Biz gürcü sərhədçilərinə təlim keçmişik. Gürcüstandan olan 1600 nəfər ABŞ-da hərbi təhsil alıb. Biz Gürcüstana NATO tipli avadanlığı verdik”, - deyə Duniqan qeyd  edib.

Xatırladaq ki, ötən gün Gürcüstanda hakimiyyətə sadiq olan “Xalqın Gücü” parlament hərəkatı son 30 ildə heç bir real nəticə vermədiyini əsas gətirərək, ABŞ-la münasibətlərə yenidən baxmağa çağırıb. Digər məsələlərlə yanaşı, ABŞ-ın iqtisadi dəstək, əməkdaşlıq, birbaşa uçuşların təşkili və vizasız rejimə can atmadığı göstərilir.

Gürcüstan hakimiyyəti bundan əvvəl 100 min nəfərlik hərbi ehtiyatın yaradılması barədə məlumat vermişdi.

Miri