İtaliya ilə Ukrayna arasında təhlükəsizlik sahəsində əməkdaşlıq haqqında saziş imzalanıb.

Oxu24.com  xəbər  verir  ki, bu barədə Ukrayna Prezidenti Vladimir Zelenski Telegram kanalında məlumat verib.

“Bu günün mühüm nəticəsi ikitərəfli təhlükəsizlik sazişinin imzalanması oldu.

Bu sənəd Ukrayna və İtaliya arasında uzunmüddətli təhlükəsizlik tərəfdaşlığı üçün möhkəm zəmin yaradır”, - deyə Zelenski yazıb.

O, müqavilənin təfərrüatlarını açıqlamayıb və İtaliyaya “2024-cü ilin sonuna qədər Ukraynaya hərbi yardım göstərməyə davam etdiyinə görə” təşəkkür edib.

Zelenskinin sözlərinə görə, danışıqların digər mövzusu İtaliyanın G7-yə sədrliyi kontekstində Ukraynaya dəstək olub.

Fevralın 22-də İtaliyanın xarici işlər naziri Antonio Tajani ölkə parlamentində çıxış edərək bildirib ki, İtaliya və Ukrayna arasında təhlükəsizlik məsələlərinə dair razılaşma hüquqi qüvvəyə malik sənəd deyil və siyasi və ya hərbi dəstək təminatları vermir.

Həmin gün Danimarka Ukrayna ilə təhlükəsizlik zəmanəti haqqında saziş imzalayıb.

Daha əvvəl Kiyevdə onlar Aİ ölkələri ilə təhlükəsizlik sazişlərinin niyə imzalandığını izah etmişdilər.

Nigar