Çin: Rusiya-Ukrayna müharibəsində münaqişə edən tərəflərə silah satmayacağıq

Çin Xarici İşlər Nazirliyindən verilən açıqlamaya görə, nazir Van Yi 60-cı Münhen Təhlükəsizlik Konfransı (MSC 2024) üçün getdiyi Almaniyada ukraynalı həmkarı Dimitro Kuleba ilə görüşüb.

Beynəlxalq vəziyyət necə dəyişsə də, Ukrayna ilə münasibətlərini "normal" şəkildə inkişaf etdirmək istədiklərini ifadə edən Vanq, "Çin münaqişə bölgələrinə və ya münaqişə tərəflərinə öldürücü silah satmayacaq",-deyə   o bildirib.

“Biz böhrandan qazanc əldə etməyə çalışmırıq”

Konfransdakı çıxışında Çinin naziri Çinin Ukrayna böhranını yaradan və onun tərəfi olmayan bir ölkə olmadığını, lakin onun müşahidəçi qalmadığını və böhrandan qazanc əldə etməyə çalışmadığını vurğulayıb.

Çin Ukrayna böhranında neytrallığını vurğulasa da, Pekinin Moskvanı müharibəyə görə qınamaqdan çəkinməsi və bu prosesdə Rusiya ilə strateji tərəfdaşlığını dərinləşdirməsi ABŞ və Qərb ölkələrinin tənqidinə səbəb olur.

ABŞ Çinin Rusiyaya silah və sursat verməyi nəzərdən keçirdiyini iddia edib.

Avropa İttifaqı həmçinin Pekin administrasiyasından Rusiyaya ümumi hərbi və mülki məqsədlər üçün məhsulların ixracına nəzarət etməyi xahiş edib.

Ötən həftə Aİ Komissiyası Rusiyaya ikili təyinatlı məhsullar ixrac etdiyinə görə üç Çin şirkətinə sanksiya tətbiq etməyi təklif etmiş və Macarıstanın əleyhinə səs verməsi ilə bu təklif rədd edilmişdi.

 

Nigar