Fransanın Silahlı Qüvvələr naziri Sebastyan Lekornu Fransanın hərbi-sənaye kompleksinin müəssisələrinə haker hücumlarının artdığını açıqlayıb və bu hücumlarda Rusiyanın əli olduğunu irəli sürüb.

O, bu barədə “Le Journal du Dimanche” qəzetinə müsahibəsində bildirib.

"Biz getdikcə tez-tez və aqressivləşən Rusiya mənşəli kiberhücumlarla üzləşirik. Rusiya dövləti ilə ayrı-ayrı ruslar arasında sərhədi bulandıran bu hücumlar bizim infrastrukturumuza qarşı yönəlib".

Nazirin sözlərinə görə, bir neçə ay əvvəl hakerlər ölkənin iri müdafiə müəssisəsinə hücum ediblər.

O qeyd edib ki, hücum dəf edilib, “amma bu, açıq-aydın Rusiya olub”.

Lecornu iddia edir ki, hakerlər “Fransa və onun müttəfiqləri üçün” hərbi istehsalı pozmağa cəhd ediblər.

Miri