Polşanın xarici işlər naziri Radoslav Sikorski Gürcüstan prezidenti Salome Zurabişvilini məhkum olunmuş eks-prezident Mixail Saakaşvilinin azad edilməsində iştirak etməyə çağırıb. Xarici İşlər Nazirliyinin rəhbəri bu barədə Münhen Təhlükəsizlik Konfransında bildirib.

Oxu24.com  xəbər  verir  ki, Sikorski və Zurabişvili konfrans panellərindən birində birlikdə iştirak ediblər.

Polşa Xarici İşlər Nazirliyinin rəhbəri Polşa-Ukrayna münasibətləri ilə bağlı sualı cavablandırarkən, ilk olaraq Gürcüstan ətrafındakı vəziyyət haqqında danışmaq qərarına gəlib.

O, panel iştirakçılarına xatırladıb ki, müdafiə naziri vəzifəsində çalışarkən NATO ölkələrindən Gürcüstana səfər edən ilk nazir olub.

Sikorski özünü “Gürcüstanın dostu” adlandırıb və Zurabişviliyə müraciət edərək vurğulayıb ki, onun sələfi Saakaşvili daha əvvəl konfransda iştirak edib.

"Bizim bir çoxumuz üçün o, Gürcüstanın modernləşdirilməsinin simvoludur. Biz sizin qanunlarınızın aliliyinə hörmət edirik, eyni zamanda, onunla ədalətli rəftar edilməsinin son dərəcə vacib olduğuna inanırıq. Və bəlkə siz də onun işinə töhfə verə bilərsiniz.

Gürcüstana xeyir arzulayanlar bunu alqışlayacaqlar”, - deyə nazir qeyd edib.

Miri