Dronlar Rusiyanın 5 bölgəsinə hücum edib

Rusiya Müdafiə Nazirliyi fevralın 17-nə keçən gecə Ukraynaya məxsus 33 pilotsuz təyyarənin tutularaq məhv edildiyini bildirib.

 

Dörd PUA Belqorod və Voronej vilayətləri ərazisi üzərində, biri Kursk vilayəti üzərində, altısı Kaluqa vilayəti üzərində, 18 pilotsuz uçuş aparatı Bryansk vilayəti üzərində vurulub.

 

Voronej vilayətinin qubernatoru Aleksandr Qusev Telegram-da bildirib ki, pilotsuz uçan aparatın qalıqları Voronejdəki Türkmənski proezdində fərdi yaşayış evinin damını zədələyib. Onun sözlərinə görə, xəsarət alan olmayıb. O, səlahiyyətlilərin təmirə köməklik edəcəyinə söz verib.

 

Belqorod vilayətində fevralın 17-nə keçən gecə həyəcan təbili çalınsa da, səhər saatlarında ləğv edilib. Regionun qubernatoru Vyaçeslav Qladkov hava hücumundan müdafiə sisteminin işlədiyini, lakin itki və dağıntı olmadığını bildirib.

Bryansk və Kaluqa vilayətlərinin səlahiyyətliləri də vurulan PUA-lar barədə məlumat veriblər. Onlar həmçinin bildiriblər ki, xəsarət alan və yerə dağıntı yoxdur.

Bundan əlavə, bildirilir ki, səhər saatlarında Kursk Atom Elektrik Stansiyasının yerləşdiyi və ikinci Atom Elektrik Stansiyasının tikildiyi Kurçatov şəhərində pilotsuz uçan aparat vurulub.

“Hər hansı tələfat və dağıntı olmayıb. Müdafiəçilərimizə təşəkkür edirəm!” - bölgənin qubernatoru Roman Starovoyt yazdı.

RBC müxbiri xəbər verir ki, Moskva vaxtı ilə saat 8:30 radələrində şəhərdə bir neçə partlayış səsi eşidilib.

 

Nigar