Çin Xarici İşlər Nazirliyi Navalnının ölümünü şərh etməyib

Çin Xarici İşlər Nazirliyi Aleksey Navalnının ölümünü şərh etməyib və bunun Rusiya Federasiyasının daxili işi olduğunu bildirib.

 

Oxu24.com  xəbər  verir  ki, bu barədə RİA Novosti AFP-yə istinadən məlumat yayıb.

 

“Bu, Rusiyanın daxili işidir. Mən şərh verməyəcəyəm”, - Çin Xarici İşlər Nazirliyi agentliyin müvafiq sualına cavab verib.

 

Navalnının ölüm xəbərindən sonra ABŞ prezidenti Bayden bildirib ki, hakimiyyət Navalnının ölümü ilə bağlı tədbirlər üçün bir neçə ssenarini nəzərdən keçirəcək.

 

Rusiyanın ABŞ-dakı səfiri Anatoli Antonov bildirib ki, Aleksey Navalnının ölümünə ABŞ-ın reaksiyası Rusiyanın daxili işlərinə qarışmaq cəhdidir.

 

Daha sonra Rusiyanın Avstriyadakı səfirliyi Aleksey Navalnının ölümündə Rusiya rəhbərliyini ittiham edən Avstriya prezidenti Aleksandr Van der Bellenin bəyanatı ilə əlaqədar bu ölkənin Xarici İşlər Nazirliyinə etiraz notası göndərib.

 

Bundan əvvəl Rusiya prezidentinin mətbuat katibi Dmitri Peskov Qərb siyasətçilərinin Aleksey Navalnının ölümü ilə bağlı bəyanatlarını “tamamilə quduzluq” adlandırmışdı.

 

Bundan əvvəl Britaniya Navalnının ölümündə Rusiyanı günahlandırmağa çalışmışdı.

 

Miri