Rusiya prezidentinin mətbuat katibi Dmitri Peskov Qərb siyasətçilərinin Aleksey Navalnının ölümü ilə bağlı bəyanatlarını “tamamilə quduzluq” adlandırıb.

Oxu24.com  xəbər  verir  ki, bu barədə RİA Novosti məlumat yayıb.

Kreml nümayəndəsi qeyd edib ki, Navalnının ölüm səbəbləri ilə bağlı hələ də rəsmi məlumat yoxdur və artıq Qərb ölkələrindən sərt bəyanatlar gəlir.

“Aydındır ki, onlar tamamilə quduzdurlar. Bu cür bəyanatları qətiyyən qəbuledilməz hesab edirik. Onlar qəbuledilməzdir. Biz onlarla belə davranırıq”, - Peskov vurğulayıb.

Bundan əvvəl Aleksey Navalnının atası Anatoli oğlunun öldüyünü təsdiqləyib. O əlavə edib ki, hələ dəfn mərasimi ilə bağlı heç nə deyə bilməz.

Həkimlərin sözlərinə görə, onlar yarım saatdan çox Navalnı diriltməyə çalışıblar.

Federal Penitensiar Xidmət (FSIN) Navalnının ölümünün səbəblərini aydınlaşdırmaq üçün Yamaldakı koloniyaya komissiya göndərib. Komissiya Federal Penitensiar Xidmətin mərkəzi aparatının əməliyyat və tibb bölmələrinin rəhbərlərindən və işçilərindən ibarətdir.

Bundan əvvəl İctimai Monitorinq Komitəsi Navalnının ölümündən bir müddət əvvəl vəziyyəti barədə danışmışdı.

Miri