Ukrayna sərhəddə taxılla bağlı insidentdən sonra Polşadan iş açmağı tələb edib

Ukraynanın Varşavadakı səfirliyi və Lyublindəki Baş Konsulluğu sərhəddə polşalı fermerlərin Ukrayna yük maşınlarından taxıl tökdüyü insidentdən sonra Polşa polisi ilə əlaqə saxlayıb.

 

Oxu24.com xəbər  verir  ki, bu barədə Ukrayna səfiri Vasili Zvariç Facebook-da məlumat verib  o, günahkarların tapılaraq cəzalandırılmasını tələb edib.

 

Zvariçin sözlərinə görə, müvafiq müraciətdən sonra Polşa polisi cinayət işi açıb və lazımi prosedurlara başlayıb.

 

Diplomat vurğulayıb ki, Polşa hakimiyyəti bu “ukraynalılar və polyakların əksəriyyəti üçün utanc verici və təhqiramiz cinayətə” hüquqi sahədə qəti reaksiya verməli və gələcəkdə bu cür “barbar hərəkətlərə” yol verməməlidir.

 

Fevralın 9-da fermerlər bütün Polşada etiraz aksiyaları keçirərək, Ukrayna ilə sərhəddə yolları və keçid məntəqələrinə girişləri bağlayıb, bu ölkədən kənd təsərrüfatı məhsullarının idxalını dayandırmağı tələb ediblər.

 

Sonradan bildirilib ki, polşalı fermerlər Ukrayna taxıl daşıyan maşınlara hücum edərək onları aşmağa çalışıblar.

 

Bundan əvvəl Dövlət Duması Polşa-Ukrayna münasibətlərini şərh edərkən “Taras Bulba”nı xatırlamışdı.

 

Nigar