İran Futbol Federasiyası rəsmi internet saytında Beynəlxalq Futbol Federasiyasına (FİFA) müraciət edərək, İsrailin beynəlxalq turnirlərdən çıxarılması tələbi ilə çıxış edib.

Oxu24.com xəbər  verir ki, “FIFA, assosiasiyalar və federasiyaların təcili tədbirləri sosial məsuliyyət sahəsində qlobal futbol ictimaiyyətinin nizamnamə normalarının həyata keçirilməsinin simvolu olacaq”, - deyə məlumatda bildirilir.

Fevralın 8-də Fələstin, Qətər, Səudiyyə Ərəbistanı və BƏƏ də daxil olmaqla 12 Yaxın Şərq ölkəsinin futbol assosiasiyaları məktub yazaraq, Fələstinlə münaqişə bitənə qədər İsrail komandalarının beynəlxalq futboldan kənarlaşdırılmasını tələb ediblər. Təşəbbüsün lideri Qərbi Asiya Futbol Federasiyasının prezidenti Əli bin əl-Hüseyn olub.

Bütün FİFA üzvlərinə müvafiq müraciət məktubu göndərilib. İsrail Futbol Federasiyası rəsmiləri Asiya Kubokunun finalında İordaniyaya uğurlar arzulayaraq, onları dayandırmaq təklifini rədd etməyə çağırıb.

Bundan əvvəl İrlandiya komandası İsrail komandasının oyunçuları ilə əl sıxmaqdan imtina etmişdi.

Nigar