Afinada Fələstinə dəstək aksiyası iğtişaşlara səbəb olub

Afinanın mərkəzində Fələstinə dəstək məqsədilə keçirilən kiçik mitinq etirazçılarla polis arasında toqquşmaya çevrilib.

 

Oxu24.com  xəbər  verir  ki, bu barədə “Newsbreak” portalı məlumat yayıb.

 

Yunanıstan Kommunist İnternasionalistləri Təşkilatı kimi həmkarlar ittifaqlarının və solçu partiyaların nümayəndələri anklav əhalisinin müdafiəsi üçün mitinqdə toplaşıblar.

 

Etirazçılar “İsrail işğala son qoyana qədər ona qarşı sanksiyalar tətbiq edin və blokadaya salın” yazılmış pankart asıb və daha sonra McDonald's restoranının şüşə qapılarını sındırmağa başlayıb.

 

“Bir neçə nəfər restorana daxil olub, onların ardınca polis əməkdaşları etirazçıları dağıtmaq üçün gözyaşardıcı qazdan istifadə ediblər”, - məlumatda deyilir.

 

Nəticədə polis iki nəfəri saxlayıb. İtkilər barədə məlumat verilmir.

 

Fevralın əvvəlində Yunan fermerlər etiraz əlaməti olaraq Salonikidə yolları bağlayıb, daha ucuz yanacaq və hakimiyyətdən pis hava şəraiti səbəbindən zeytun ağaclarının itirilməsinə görə təzminat tələb ediblər.

 

Bundan əvvəl Afinada Rusiya ilə münasibətlərin bərpası ilə bağlı şüarlar altında mitinq keçirilib.

 

Nigar