Rusiyanın bu vilayəti işıqsız qaldı

Rusiyanın Rostov vilayətinin qubernatoru Vasili Qolubev özünün Teleqram kanalında bildirib ki, elektrik xətlərində yaş qarın yığılması səbəbindən regionda kütləvi elektrik kəsilməsi qeydə alınıb.

O bildirib ki, atmosfer cəbhəsi Rostov vilayətinin bir sıra rayonlarına pis hava şəraiti gətirib.

“Elektrik xətlərində yaş qarın yığılması səbəbindən Şaxtı, Krasnosulinski, Ust-Donetsk, Volqododonski, Konstantinovski, Tsimlyanski və bir sıra digər ərazilərdə elektrik enerjisinin verilişində kütləvi fasilələr yaranıb”, - nəşr yazır.

Qolubev qeyd edib ki, energetika sahəsində onlar xüsusi iş rejiminə keçiblər.

Fevralın 7-də Belqorodun Xarkov dağı ərazisində elektrik enerjisinin qismən kəsilməsi baş verib.

Fevralın 6-da qasırğa nəticəsində Həştərxan vilayətinin sakinləri işıqsız qalıb.

Bundan əvvəl meteoroloq Şuvalov Rusiyada təbii fəlakətlərin tezliyinin artacağını proqnozlaşdırmışdı.

 

Nigar