Fransada atom elektrik stansiyasında yanğın olub

Fransanın qərbində yerləşən Çinon atom elektrik stansiyasında yanğın baş verib, nəticədə iki atom elektrik stansiyasının reaktoru dayanıb.

 

Oxu24.com  xəbər  verir  ki, bu barədə Fransa Nüvə Təhlükəsizliyi Təşkilatının (ASN) saytında məlumat verilib.

 

Yanğın fevralın 10-na keçən gecə 3 saylı reaktorun transformatorunda “nəzarət olunan ərazidən kənarda” baş verib.

“Bu yanğın nəticəsində 3 nömrəli reaktorun əsas xarici enerji təchizatının itirilməsi reaktorun avtomatik dayandırılmasına səbəb olub”, - məlumatda deyilir.

ASN-in məlumatına görə, yanğın söndürüldükdən sonra üçüncü reaktorla ümumi drenaj sistemini paylaşan qonşu dördüncü reaktorun işlənmiş suyu toplamaq üçün fəaliyyəti müvəqqəti dayandırılıb. Bu onun daşmasının və suyun ətraf mühitə sızmasının qarşısını almaq üçün edilib.

Noyabr ayında Finlandiyanın Olkiluoto-3 atom elektrik stansiyası nasazlıq səbəbindən fəaliyyətini dayandırmışdı.

Bundan əvvəl Belçikada atom elektrik stansiyasının reaktorunun plansız dayandırılması baş verib.

 Miri