Belqorod yaxınlığında beş hava hədəfi vuruldu

Belqoroda yaxınlaşarkən hava hücumundan müdafiə sisteminin işə salınması nəticəsində beş hava hədəfi vurulub, lakin itki yoxdur.

 

Oxu24.com  xəbər  verir  ki, bu barədə vilayətin qubernatoru Vyaçeslav Qladkov özünün Telegram kanalında məlumat verib.

 

Qubernatorun sözlərinə görə, Belqorodda çoxmənzilli binalardan birinin bir neçə mənzilinin şüşələri zədələnib, pəncərələri sındırılıb və iki fərdi evin fasadları qəlpələrdən kəsilib, digər fərdi evdə isə yardımçı tikili zədələnib.

Bundan başqa, Belqorod vilayətində iki fərdi yaşayış evinin dam örtüyünə ziyan dəyib, üç avtomobilə ziyan dəyib.

Fevralın 7-də Belqorod və Belqorod vilayətində raket xəbərdarlığı sireninin işə düşdüyü bildirilmişdi. Sakinlərdən təhlükəsiz yerlərə sığınmağa çağırılıb.

Həmin gün Rusiya Müdafiə Nazirliyi hava hücumundan müdafiə sistemlərinin Belqorod vilayəti üzərində Ukrayna Silahlı Qüvvələrinə məxsus iki pilotsuz təyyarəni vurduğunu bildirib.

Bundan əvvəl Ukrayna Silahlı Qüvvələri Belqorod vilayətinin Qubkin şəhərini atəşə tutub.

 

Nigar