MAQATE-nin baş direktoru Zaporojye AES-də olub

Rusiya mətbuatı Birləşmiş Millətlər Təşkilatının Atom Enerjisi Agentliyinin (MAQATE) baş direktoru Rafael Qrossinin rus qoşunlarının işğal etdiyi Zaporojye atom elektrik stansiyasına səfəri barədə məlumat yayıb.

Çərşənbə axşamı Qrossi Kiyevə səfər edib və Ukrayna prezidenti Vladimir Zelenski ilə görüşüb.

Qrossi bildirib ki, onun Zaporojye AES-ə gözlənilən səfəri stansiyada son ştatların ixtisarının nəticələrini qiymətləndirmək üçün zəruridir.

Associated Press agentliyinə müsahibəsində Qrossi bildirib ki, belə ixtisarlardan sonra Zaporojye AES-də vəziyyət qeyri-sabit olaraq qalır. O izah etdi ki, əvvəllər ərazidə 12 minə yaxın işçi çalışırdı, indi isə cəmi 2-3 min nəfər qalıb.

O, stansiyadakı vəziyyəti stabil adlandırdı, lakin əlavə etdi ki, “bu, çox, çox incə bir tarazlıqdır”.

“Mən özüm görməliyəm ki, vəziyyət necədir, kadrlar baxımından istər orta, istərsə də uzunmüddətli perspektivlər necədir”, - Qrossi bildirib.

Zaporojye AES 2022-ci ilin martından Rusiya hərbçiləri tərəfindən işğal olunub.

 

Afət