Ermənistan rəhbərliyi erməni xalqı üçün düzgün seçim edəcək.

Oxu24.com  xəbər  verir  ki, bunu  Rusiya Xarici İşlər Nazirliyinin rəsmisi Mariya Zaxarova Ermənistanın baş naziri Nikol Paşinyanın Rusiya Federasiyasının artıq təhlükəsizlik sahəsində əsas tərəfdaş ola bilməyəcəyi barədə sözlərini şərh edərkən bildirib.

“Ölkələrimiz müttəfiq olaraq qalır, erməni xalqının maraqları Rusiya ilə mehriban qonşuluq əlaqələrindən ayrılmazdır. Ümid edirik ki, Ermənistan rəhbərliyi bunu nəzərə alacaq və hazırkı geosiyasi transformasiyalar fonunda düzgün seçim edəcək”, - erməni KİV-i Zaxarovadan sitat gətirir.

Onun sözlərinə görə, Rusiya Federasiyası ilə Ermənistan arasında hərbi-texniki əməkdaşlıq baxımından da etibarlı ikitərəfli hüquqi baza mövcuddur.

Hər iki tərəfin bir-birinə qarşı öhdəlikləri var. Zaxarova İrəvanın KTMT çərçivəsində kollektiv təminat altında olduğunu vurğulayıb və xatırladıb ki, hər iki ölkə 2016-cı ildə birgə qoşun qruplaşması haqqında saziş imzalayıb.

O, hesab edir ki, Aİ missiyasının müşahidəçilərindən fərqli olaraq, KTMT Cənubi Qafqazda sabitləşdirici rol oynamağa qadirdir.

Aİ missiyası 20 fevral 2023-cü il tarixindən Ermənistanda yerləşirdi və 100 nəfərdən ibarət idi. Məqsəd Ermənistanın sərhədyanı rayonlarında sabitliyi möhkəmləndirmək və Ermənistanla Azərbaycan arasında münasibətlərin normallaşdırılması səyləri üçün əlverişli şəraitin təmin edilməsidir. Dekabr ayında Aİ missiyanın 209 nəfərə qədər genişləndiriləcəyini elan edib.

Miri