Bəşər Əsəd Abxaziyaya dəvət olunub

Suriya prezidenti Bəşər Əsəd yayda Abxaziyaya rəsmi səfərə dəvət olunub.

 

Oxu24.com  xəbər verir ki, bu təkliflə Abxaziyanın Yaxın Şərq respublikasındakı səfiri Məhəmməd Əli çıxış edib.

 

Suriya lideri ilə diplomat arasında dialoq etimadnamələrin təqdim edilməsi mərasimində baş tutub.

“Abxaz diplomatı Əsədə 2024-cü il mayın 29-da respublikaya səfər etmək üçün dəvət göndərib”, - məlumatda deyilir.

Qeyd edilir ki, tarix ölkələr arasında xüsusi münasibətləri vurğulamaq üçün xüsusi olaraq seçilib. Mayın 29-da Abxaziyanın müstəqilliyinin Suriya tərəfindən tanınmasının altıncı ildönümü qeyd olunacaq.

Mərasimdə Əsəd Suxum və Dəməşq arasında əlaqələrin möhkəmliyindən danışıb. O, həmçinin onların siyasi, iqtisadi və təhsil sahələrində daha da inkişaf etdirilməsinin vacibliyini qeyd edib.

Suriya 2018-ci ildə Abxaziya və Cənubi Osetiyanın müstəqilliyini rəsmən tanıyıb, eyni zamanda dövlətlər arasında diplomatik münasibətlərin qurulduğunu elan edib.

2023-cü il avqustun sonunda Rusiya Təhlükəsizlik Şurasının sədr müavini Dmitri Medvedev etiraf etdi ki, Moskva tərəfindən müstəqil respublikalar kimi tanınan Abxaziya və Cənubi Osetiya “əsaslı səbəblər olarsa” Rusiyaya birləşdirilə bilər.

 

Müəllif: Miri