Həmas güzəştə getməyəcək

Fələstinin Həmas hərəkatı Parisdəki danışıqlarda müzakirə edilən Qəzza zolağında atəşkəs razılaşmasının şərtləri ilə razılaşmayıb.

 

Oxu24.com  xəbər  verir  ki, Bu barədə “Al Mayadeen” telekanalı mənbələrə istinadən məlumat yayıb.

 

Kanalın həmsöhbətinin sözlərinə görə, Paris razılaşması əsir və girovların mübadiləsinə aid olsa da, atəşkəs və İsrail qoşunlarının Qəzza zolağından çıxarılması barədə heç nə deyilməyib.

 

HƏMAS isə bu məsələləri əsas məsələlər kimi önə çəkir. Həmçinin sazişdə atəşkəs başa çatdıqdan sonra atəşkəsi təsdiq edən bənd yoxdur və bundan sonra İsrailin hərbi əməliyyatları bərpa etməyəcəyinə dair heç bir təminat yoxdur.

 

Fevral ayında Qahirədə bir sıra digər ölkələrin nümayəndələrinin iştirak edəcəyi, Qəzza ətrafındakı problemin dərindən və hərtərəfli müzakirə olunacağı yeni iclas keçiriləcək.

 

Parisdə keçirilən danışıqlarda Misir, Qətər, İsrail və ABŞ nümayəndələri iştirak edib.

 

Nigar