Xersonda partlayış baş verib

Ukrayna hakimiyyətinin nəzarətində olan Xerson şəhərində bir neçə partlayış baş verib.

 

Oxu24.com  xəbər verir  ki, bu barədə yerli "Obshchestvennoe" nəşri öz Telegram kanalında müvafiq yazı dərc edərək məlumat yayıb.

 

“Partlayışların səsi Xersonda eşidilir”, – nəşr yazır.

 

Şəhərdəki vəziyyətlə bağlı digər təfərrüatlar hələlik verilməyib.

 

Fevralın 3-də Ukrayna hakimiyyətinin nəzarətində olan Xerson vilayətində kritik infrastruktur obyektlərinə dəymiş ziyan qeydə alınıb. Regionun Kiyev tərəfindən təyin edilmiş hərbi administrasiyasının rəhbəri Aleksandr Prokudinin dediyi kimi, zədələnmiş obyektlər vilayətin inzibati mərkəzində və Xerson vilayətində yerləşir.

 

Həmin gün axşam saatlarında Ukraynanın 24-cü kanalı Dnepropetrovsk vilayətində partlayış baş verdiyini bildirib. Jurnalistlər partlayışın Krivoy Roq şəhərində bölgədə hava hücumu rejiminin tətbiqindən sonra baş verdiyinə aydınlıq gətiriblər. Ölənlərin olması və mümkün dağıntılar da daxil olmaqla, başqa məlumat verilməyib. Səlahiyyətlilər də bu məsələ ilə bağlı heç bir rəsmi açıqlama verməyib.

Bundan əvvəl Krivoy Roq sakinlərinə şəhərdə elektrik enerjisinin fövqəladə kəsilməsi qrafikinin tətbiqi ilə bağlı xəbərdarlıq edilib.

 

Nigar