Rusiyaya atılan raketlər vuruldu

Rusiya Müdafiə Nazirliyi Rusiyanın hava hücumundan müdafiə sistemlərinin Belqorod vilayətində iki raketi vurduğunu bildirib.

 

Oxu24.com xəbər  verir  ki,“Bu gün saat 20.30 radələrində Kiyev rejiminin Rusiya Federasiyası ərazisindəki hədəflərə qarşı terror aktı törətmək cəhdinin qarşısı alınıb”, - məlumatda deyilir.

Rusiya Müdafiə Nazirliyi Kiyev rejiminin RM-70 Vampire reaktiv yaylım atəşi sistemlərindən istifadə etdiyini vurğulayıb.

Belqorod vilayətinin qubernatoru Vyaçeslav Qladkov da öz Teleqram kanalında hava hücumundan müdafiə sistemlərinin Krasnıy Kutok kəndi üzərində iki hava hədəfini vurduğunu bildirib.

"Əməliyyat xidmətləri yerlərdə fəsadlar barədə məlumatları dəqiqləşdirir. İlkin məlumata görə, tələfat və dağıntı yoxdur", - o qeyd edib.

Bundan əvvəl Rusiya Müdafiə Nazirliyi yanvarın 24-ü axşam saatlarında Bryansk vilayətində Ukraynaya məxsus 3 pilotsuz təyyarənin vurulduğunu bildirib.

 

Müəllif: Miri