Çində  ölənlərin sayı 44-ə yüksəlib

Çinin cənub-qərbindəki Yunnan əyalətində yanvarın 22-də baş verən sürüşmə nəticəsində ölənlərin sayı 44-ə yüksəlib.

 

Oxu24.com xəbər  verir  ki,ölkə mətbuatında yer alan xəbərə görə, Kaotonq şəhərinin Cinxiong rayonunun Liangshui kəndində baş verən sürüşmə sonrası aparılan axtarışlar zamanı itkin düşən daha 10 nəfərin cəsədi tapıldıqdan sonra torpaq sürüşməsi nəticəsində ölənlərin sayı 44-ə yüksəlib.

 

Tapılan son cəsədlərlə itkin düşdüyü bildirilən bütün insanlarla əlaqə saxlanılıb.

 

Kənddə 18 evi torpaq altında qalan sürüşmə nəticəsində 2 nəfər xilas edilib.

Dünən edilən son açıqlamada 34 nəfərin həyatını itirdiyi, 10 nəfərin isə hələ də itkin düşdüyü bildirilmişdi.

İtkilər aşkar edildikdən sonra fəlakət xilasetmə qrupları soyuq və qarlı hava şəraitində 4 gündür apardıqları işləri yekunlaşdırıb.

İlkin araşdırma zamanı qeyd olunub ki, sürüşmə kəndin salındığı dağın zirvəsində torpaq kütləsinin qopması nəticəsində baş verib.

Dağdan qopan kütlə yamacdakı terraslardan aşağı sürüşərək kəndin bir hissəsini yerin altında qoyub.

 

Müəllif: Nigar