Şimali Makedoniyanın baş naziri seçkilər ərəfəsində istefa verib

Şimali Makedoniyanın baş naziri Dimitar Kovacevski ölkədə keçiriləcək parlament və prezident seçkilərinə 4 ay qalmış istefa verib.

 

Oxu24.com xəbər  verir  ki,onun sözlərini Skopyedəki filialı ilə Albaniyanın Teleqrafi xəbər agentliyi yayıb.

 

Ölkədə parlament seçkiləri aprelin 24-də, prezident seçkiləri isə mayın 8-də keçiriləcək.

 

Seçkilər öncəsi texniki hökumətə parlamentin spikeri, etnik alban Tələt Xaferi rəhbərlik edəcək.

 

“Mayın 9-da mənim başçılıq etdiyim yeni hökumət və Şimali Makedoniyanı 2030-cu ilə qədər Aİ-yə gətirəcək koalisiya olacaq” dedi.

Qanuna uyğun olaraq, seçkilərə 100 gün qalmış ölkədə müxalifət nümayəndələrinin iştirakı ilə texniki hökumət formalaşdırılır. Qarşıdan gələn seçkilərdə Kovacevski SDSM (Makedoniya Sosial Demokrat İttifaqı) başçılıq etdiyi koalisiyanın lideri kimi iştirak etmək niyyətindədir.

Bundan əvvəl Ukrayna prezidenti Vladimir Zelenski Xorvatiya və Şimali Makedoniyaya hərbi yardıma görə təşəkkür edib.

Bundan əvvəl Avropa Komissiyası Lavrova ATƏT-in iclası üçün Şimali Makedoniyaya uçmağa icazə verib.

 

Müəllif: Miri