İsrail və HƏMAS razılaşır

ABŞ, Qətər və Misirin vasitəçiliyi ilə aparılan intensiv danışıqlar nəticəsində İsrail hakimiyyəti ilə HƏMAS terror qruplaşmasının liderləri arasında “humanitar fasilə” haqqında ilkin razılıq əldə olunub.

 

Oxu24.com xəbər  verir ki,danışıqlarla tanış olan mənbələrin Reuters-ə verdiyi məlumata görə, dekabrın 28-də başlayan məkik diplomatiyasının son raundunda vasitəçilər ilkin atəşkəsin uzunluğu ilə bağlı fikir ayrılıqlarını aradan qaldırmağa və HƏMAS-ın axtardığı aylarla davam edən fasiləni 30 günə qədər qısaltmağa nail olublar.

Bu günə qədər tərəflər Qəzza cəbhəsində 30 günlük sakitlik dövründə Həmas yaraqlıları tərəfindən girov götürülən israillilərin fələstinli əsirlərlə dəyişdirilə biləcəyi barədə ilkin razılığa gəliblər.

 

Bununla belə, çərçivə planının icrası hər iki tərəf tərəfindən hərbi əməliyyatların nəhayət necə dayandırılacağına dair fikir ayrılıqları səbəbindən ləngiyib.

Qətər, Misir və ABŞ mülki şəxslərdən tutmuş hərbi qulluqçulara qədər müxtəlif kateqoriyadan olan israilli girovların azad edilməsinə mərhələli yanaşmanın tərəfdarıdır. Bunun müqabilində İsrail hərbi əməliyyatları dayandırmalı, əsir götürülən fələstinliləri azad etməli və Qəzzaya humanitar yardım göstərməlidir. İsrail də eyni mövqedən çıxış edir.

Həmas, əsas tələbi girovların son azadlığa buraxılmasına qədər daimi atəşkəs olan “paket sazişi” bağlamağa çalışır. Yaraqlılar qorxur ki, mülki vətəndaşlar azad edildikdən sonra əsir götürülmüş İsrail əsgərlərinin qalmasına baxmayaraq, İDF bölgədə döyüşləri bərpa edəcək.

 

Müəllif:Afət