Rusiyaya hücumun qarşısı alınıb

Yanvarın 24-də Moskva vaxtı ilə saat 10.00 radələrində Ukrayna Silahlı Qüvvələrinin Rusiya regionunda təyyarə tipli pilotsuz uçuş aparatından istifadə etməklə terror aktı törətmək cəhdinin qarşısı alınıb.

 

Oxu24.com xəbər  verir  ki,bu barədə Rusiya Müdafiə Nazirliyinin mətbuat xidməti məlumat yayıb.

Qeyd olunur ki, növbətçi hava hücumundan müdafiə sistemləri Belqorod vilayəti ərazisi üzərində düşmənin pilotsuz uçuş aparatını məhv edib. Mümkün itkilər barədə məlumat verilməyib.

Bir müddət əvvəl Belqorod vilayətinin qubernatoru Vyaçeslav Qladkov Belqorod şəhərində raket siqnalı verildiyini açıqlamışdı. Rəsmi yerli sakinləri binanın pəncərələrinə yaxınlaşmamağa çağırıb.

Həmçinin yanvarın 24-də səhər saatlarında Rusiyanın hava hücumundan müdafiə qüvvələrinin Oryol vilayəti ərazisi üzərində Ukrayna Silahlı Qüvvələrinə məxsus pilotsuz uçuş aparatlarının qarşısını aldığı məlum olub. Rusiya hərbçiləri bölgə səmasında dörd təyyarə tipli pilotsuz təyyarəni vurub.

Bundan əvvəl Rusiya pilotsuz təyyarələrin qarşısının alınması üçün yeni sistem yaratmışdı.

 

Müəllif:Afət