Britaniyanın Citizens Advice xeyriyyə təşkilatı xəbərdarlıq edib ki, bu qış 2 milyondan çox insan borclarını ödəyə bilmədiyi üçün qaz və işıqdan məhrum ola bilər.

Oxu24.com xəbər  verir  ki,bu barədə Citizens Advice saytında məlumat verilir.

Təşkilatın məlumatına görə, ötən il 800 min insan hesabı ödəyə bilmədiyi üçün bir gündən çox istilik və işıqsız qalıb. Bu il vəziyyət daha da pisləşə bilər.

Citiens Advice qeyd edir ki, Britaniyada 5,3 milyon ailə enerji borcu içərisindədir. Bu, onları əvvəlcədən ödənişli sayğaclar quraşdırmaq təhlükəsi ilə üz-üzə qoyur, çoxları isə onu doldura bilmir.

Təşkilatın fikrincə, enerji haqlarının ödənilməsi üçün mövcud dəstək kifayət deyil. Artan enerji borcunu həll etmək üçün plan lazımdır. Eyni zamanda, təşkilat aprel ayına qədər orta hesabla elektrik haqqının 20 funt sterlinq azalacağını, lakin yenə də həyəcan verici səviyyədə qalacağını gözləyir.

Bundan əvvəl məlum olub ki, hər beşinci britaniyalı mənzil və kommunal xidmətlər üçün ödənişlərdə ciddi problemlər yaşayır.

Bundan əvvəl Böyük Britaniyanın Ukraynaya nə qədər dəstək verəcəyi məlum olub.

Müəllif: Nigar