Finlər ruslara ikili vətəndaşlığı qadağan etmək istəyirlər

Finlandiya prezidenti Sauli Niinistö ruslara ikili Finlandiya vətəndaşlığının verilməsini dayandırmağa çağırıb.

 

Oxu24.com xəbər  verir  ki, bu barədə   Yle məlumat yayıb.

 

Suomi rəhbərinin sözlərinə görə, Finlandiya gələcəkdə “Fin pasportunun verilməsi zamanı qarşılıqlılıq prinsipinə” keçməlidir.

"Bu o deməkdir ki, biz yalnız finlərə ikili vətəndaşlıq verən ölkələrdən gələnlərə ikili vətəndaşlıq veririk" dedi prezident.

Belə olan halda, məsələn, ruslar Finlandiyada ikili vətəndaşlıq üçün müraciət edə bilməyəcəklər.

Rusiya Federasiyasının vətəndaşı başqa bir ölkənin pasportunu ala bilər - bu, Rusiya Federasiyası Konstitusiyasının 62-ci maddəsində təsbit edilmişdir.

Bu, Rusiya vətəndaşlığına xitam verməyə səbəb olmur (31 may 2002-ci il tarixli "Rusiya Federasiyasının vətəndaşlığı haqqında" Federal Qanunun 6-cı maddəsi). İkinci vətəndaşlığın alınması barədə 60 gün ərzində Rusiya Daxili İşlər Nazirliyinə məlumat verilməlidir.

Bu halda söhbət ikinci vətəndaşlıqdan gedir. Xüsusi müqavilə bağlanan ölkələrdə ruslar ikili vətəndaşlığa sahib ola bilərlər. Rusiyanın Tacikistanla belə bir müqaviləsi var.

 

Müəllif:Afət