Qəzza zolağında binanın partlaması nəticəsində azı 10 İsrail Müdafiə Qüvvələri (IDF) əsgəri həlak olub.

Oxu24.com  xəbər  verir  ki,bu barədə i24 telekanalı mənbəyə istinadən məlumat yayıb.

“Mənbənin sözlərinə görə, partlayış baş verən zaman binada hərbçilər olub”, - məlumatda deyilir.

Jurnalistlər aydınlaşdırıblar ki, İDF 10 nəfərin öldüyünü bildirdikdən sonra quru əməliyyatı zamanı həlak olan İsrail əsgərlərinin ümumi sayı 208-ə çatıb.

Bundan əvvəl Avropa diplomatiyasının rəhbəri Josep Borrell bildirmişdi ki, İsrailin Qəzza zolağında HƏMAS radikal qruplaşmasını məhv etmək planı işə yaramır.

Diplomatın sözlərinə görə, İsrail ordusunun hərəkətləri “nəsillər boyu nifrət hissini gücləndirir”. Borrell vurğulayıb ki, Avropa İttifaqı Yaxın Şərqdəki münaqişənin iki dövlət əsasında həlli istiqamətində səylərini davam etdirməlidir.

Bundan əvvəl ABŞ İsrailin Qəzza zolağında döyüşləri iki aylıq dayandırmağı təklif etdiyini bildirmişdi.

Müəllif: Miri