Yəmənin “Ənsar Allah” (husilər) üsyançı hərəkatının nümayəndəsi Yəhya Səria bildirib ki, onun nümayəndələri Ədən körfəzində “Ocean Jazz” yük gəmisinə hücum edərək, gəminin ABŞ Hərbi Dəniz Qüvvələrinə aid olduğunu müəyyən ediblər.

Oxu24.com xəbər  verir  ki,bu barədə o, öz Twitter səhifəsində yazıb.

Onun sözlərinə görə, Yəmən Hərbi Dəniz Qüvvələri Ədən körfəzində Amerikanın hərbi yük gəmisi “Ocean Jazz”a qarşı əməliyyat keçirib. Gəmi gəmi əleyhinə raketlərlə vurulub.

Saria vurğulayıb ki, Yəmən Silahlı Qüvvələri Fələstinə dəstək istiqamətində dəyişməz mövqelərini təsdiqləmək üçün bütün addımları atmağa davam edir.

Bundan əvvəl “Washington Post” ABŞ-ın Qırmızı dənizdə Yəmənin Ənsar Allah (Husilər) üsyançı hərəkatına qarşı iqtisadi və ya hər hansı digər səbəblərdən deyil, ideoloji baxımdan əməliyyat başlatdığını yazmışdı.

Buna görə, Birləşmiş Ştatların lideri Co Bayden əmindir ki, Qırmızı dənizdəki vəziyyətlə bağlı Amerika tərəfi “güclü orduya və ümumi məqsədə çatmaq üçün digər dövlətləri birləşdirməyə qadir olan əvəzolunmaz bir millət kimi” hərəkət etməlidir.

Bundan əvvəl husilər hər 12 saatdan bir Qırmızı dənizdə ticarət gəmilərinə hücum etmək niyyətində olduqlarını bəyan etmişdilər.

Nigar