Çexiya tərəfindən Amerikanın 24 beşinci nəsil F-35A Lightning II qırıcılarının alınmasına dair müqavilə martın sonunadək imzalanacaq.

Oxu24.com  xəbər  verir  ki,bunu CNN Prima NEWS telekanalına müsahibəsində Respublika Müdafiə Nazirliyinin rəhbəri Yana Çernoxova deyib.

“Bu müqavilə  martın sonuna qədər mütləq imzalanacaq, hətta daha əvvəl deyərdim”, - deyən nazir qeyd edib ki, sənədin imzalanması digər məsələlərlə yanaşı, ABŞ Departamenti rəhbərinin xəstəliyi ilə də çətinləşib. 

Telekanalın verdiyi məlumata görə, Praqa Vaşinqtona 24 təyyarəyə görə təqribən 4,6 milyard dollar ödəyəcək, yeni aerodromun tikintisi kimi təsadüfi xərclər isə daha 1,9 milyard dollar təşkil edəcək.

Qeyd olunur ki, F-35 qırıcısının bir saatlıq uçuşu 35 min dollardan baha başa gələcək.

Bundan əvvəl Yunanıstanın müqavilələrə uyğun olaraq beşinci nəsil F-35 döyüş təyyarələri alması lazım olduğu bildirilirdi. Eyni zamanda, ABŞ bu təyyarələri planlaşdırılan sayda istehsal edə bilməyəcəyini etiraf etdi.

Müəllif:Afət