Bu gün Əfqanıstan səmasında uçarkən radarlardan itən Falcon 10 tapılıb.

Oxu24.com xəbər  verir  ki,bu barədə Federal Hava Nəqliyyatı Agentliyinin Telegram kanalında məlumat verilib.

“Rusiyanın Əfqanıstandakı səfirliyinin məlumatına görə. Yerli yerüstü axtarış-xilasetmə qüvvələri Falcon 10-u (qeydiyyat nömrəsi RA-09011) tapıb”, - məlumatda deyilir.

Federal Hava Nəqliyyatı Agentliyi bildirib  ki, ilkin məlumatlara görə, təyyarənin göyərtəsində olan 4 nəfər müxtəlif dərəcəli bədən xəsarətləri alıb, daha iki nəfər haqqında məlumat dəqiqləşdirilir.

Bundan əvvəl Moskvaya uçan şəxsi təyyarənin Əfqanıstanın Bədəxşan vilayətinin dağlıq ərazilərində qəzaya uğradığı bildirilirdi. Təyyarədə iki sərnişin də daxil olmaqla altı nəfər olub. O, Taylandın Pattaya şəhərindən Moskvaya özəl tibbi təyyarə ilə gedirmiş. Sərnişinlər arasında vəziyyəti ağır olan rusiyalı qadın Tailand xəstəxanasından Rusiya Federasiyasına aparılıb. Onu evakuasiya uçuşunun pulunu ödəyən Rusiyadan olan sahibkar əri müşayiət edib. Rusiya İstintaq Komitəsi qəza ilə bağlı cinayət işi açıb.

Müəllif: Nigar